कुलेखानी ड्याम भरिन थाल्याे,तल्लो तटीय क्षेत्र डुबानको जोखिममा

काठमाण्डौ । मकवानपुरको कुलेखानी जलविद्युत् आयोजनाको जलाशय भरिन थालेको छ । जलाशय भरिन थालेपछि तल्लो तटीय क्षेत्र डुबानको जोखिममा परेको छ ।

निरन्तर ठूलो पानी परेको र पानी पर्ने क्रम नरोकिए आज रातिसम्म ड्यामको ढोका खोल्नुपर्ने अवस्था आउने नेपाल विद्युत् प्राधिकरण कुलेखानी प्रथम जलविद्युत् केन्द्रले जिल्ला प्रशासन कार्यालय मकवानपुरलाई पत्राचार गरेको छ ।

ड्यामको ढोका खोलेको अवस्थामा तल्लो तटीय क्षेत्र जोखिममा पर्ने भन्दै केन्द्रका प्रमुख तारादत्त भट्टले स्थानीय बासिन्दालाई सतर्कता अपनाउन आग्रह गर्नुभएको छ । file photo