नेपालबाट १० दिन ढिलो गरेर बाहिरियो मनसुन

काठमाण्डौ। नेपालबाट १० दिन ढिलो गरेर मनसुन बाहिरिएको छ ।

मौसम पूर्वानुमान महाशाखाका अनुसार नेपालबाट साधारणतया अक्टोबरको २ तारिखमा मनसुन बाहरिनेमा यसपटक १० दिन ढिलो गरेर मनसुन बाहिरिएको छ।

यसअघि यही असोज २२ गते कर्णाली, लुम्बिनी र गण्डकी प्रदेश तथा काठमाण्डौ उपत्यका र मधेश प्रदेशको पश्चिमी भूभागबाट मौसम बाहिरि सकेको थियो ।

त्यस्तै असोज २० गते सुदूरपश्चिम प्रदेश र कर्णाली प्रदेशका धेरै ठाउँ तथा लुम्बिनी प्रदेशको पश्चिमी क्षेत्रका थोरै ठाउँबाट मनसुन बाहिरिसकेको थियो ।

आज बाग्मती, मधेश र कोशी प्रदेशबाट पनि मनसुन बाहिरिएको महाशाखाले जारी गरेको बुलेटीनमा उल्लेख गरेको छ ।

यो वर्ष सामान्य समय भन्दा तीन दिनअघि अर्थात् जुन १० तारिखमा नेपालमा मनसुन भित्रिएको थियो ।