चिसापानीमा करेन्ट लागेर दुई बालिकाको मृत्यु

करेन्ट लागेर मकवानपुरको हेटौँडा उपमहानगरपालिका–१६ चिसापानीमा दुई जना बालिकाको मृत्यु भएको छ ।

चिसापानीको कभर्ड हल छेउमा जडान गरिएको ११ केभी ‘पिन इन्सुलेटर’ भाँचिएर नजिकै रहेको फलामको पोलमा सर्ट हुँदा जमेको पानीमा विद्युत् प्रवाह भएको थियो ।

पानीमा प्रवाह भएको करेन्ट लागेर आज बाराको निजगढ नगरपालिका–१ निवासी नौ वर्षीया र हेटौँडा उपमहानगरपालिका–१६ की सात वर्षीया बालिकाको मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्याम अर्यालले जानकारी दिनुभयो।