प्रदेशको नीतिलाई प्रभावकारीरुपमा कार्यान्वयन गर्नुपर्छ :मुख्यमन्त्री जम्कट्टेल

धादिङ,०८ ज्येष्ठ।
बागमती प्रदेशका मुख्यमन्त्री शालिकराम जम्कट्टेलले प्रदेशमा निर्माण भएका नीतिलाई प्रभावकारीरुपमा कार्यान्वयन गर्नुपर्ने बताउनुभएको छ ।

सोमबार बागमती प्रदेश स्वास्थ्य मन्त्रालयद्वारा आयोजित ‘स्वास्थ्य सबै नीतिमा’ विषयक कार्यशाला गोष्ठीमा मुख्यमन्त्री जम्कट्टेलले सो कुरा बताउनुभएको हो ।

उहाँले हरेक पूर्वधार निर्माण स्वास्थ्य क्षेत्रको सुधारका लागि लक्षित हुनुपर्ने भन्दै हरेक मन्त्रालयका नीति नागरिकको स्वास्थ्य सुधार हुने खालको हुनुपर्ने बताउनुभयो ।

स्वास्थ्य सबै नीतिमा भन्ने अवधारणाले प्रदेशको स्वास्थ्य अवस्था सुधारमा टेवा पुग्ने भएकाले नागरिकको स्वास्थ्य सुधारलाई ध्यानमा राखेर हरेक मन्त्रालयले आफ्नो योजना बनाउनुपर्नेमा मुख्यमन्त्री जम्कट्टेलले जोड दिनुभयो ।file photo