एमाले सिद्धलेक अधिवेशन : अध्यक्ष सर्वसम्मत हुँदा उपाध्यक्ष र सचिवमा मतदान (भिडियोसहित)

धादिङ । नेकपा एमाले सिद्धलेक गाउँपालिका कमिटीको अध्यक्षमा रामहरी बराकोटी चयन हुनुभएको छ ।

बिहिबार सिद्धलेक गाउँपालिका-४ आरुवासटारमा भएको गाउँपालिका कमिटीको दोस्रो अधिबेशनले अध्यक्षमा बराकोटीलाई सर्वसम्मत चयन गरेको हो ।

कार्यसमितिको उपाध्यक्ष र सचिवमा भने मतदान भएको छ ।गएराती भएको मतदानबाट उपाध्यक्षमा देव बहादुर पुलामी र सचिवमा चेतनाथ सिलवाल निर्वाचित हुनुभएको छ ।

उपाध्यक्ष पदका प्रतिस्पर्धी लक्ष्मण खतिवडा र चन्द्रप्रसाद सिलवाललाई पराजित गर्दै पुलामी निर्वाचित हुनुभएको हो ।कुल खसेको १६३ मतमध्ये पुलामीले ६३ मत, उहाँका प्रतिस्पर्धी खतिवडाले ५४ र सिलवालले ३३ मत पाउनुभयो।

यस्तै सचिव पदमा सिलवालले १०३ मत पाउँदा उहाँका प्रतिस्पर्धी थपलियाले ५० मत पाउनुभयो ।

उपसचिवमा लक्ष्मी बराम र राजु उपाध्याय सर्वसम्मत निर्वाचित हुनुभएको छ ।अधिवेशनले ५ पदाधिकारीसहित ५७ सदस्यीय गाउँपालिका कमिटी चयन गरेको छ ।

यसैगरी अधिवेशनबाट लेखा समिति संयोजकमा नगेन्द्र दुवाडी, उपाध्यक्ष गोपाल मगर, सचिवमा एकराज उपाध्यायसहित ७ सदस्य चयन भएका छन् ।

२ सय १ जना प्रतिनिधि सहभागी अधिवेशनको नेकपा एमालेका स्थाई कमिटी सदस्य तथा पुर्वमन्त्री भानुभक्त ढकालले उद्घाटन गर्नुभएको थियो ।

उद्घाटन समारोहलाई सम्बोधन गर्दै ढकालले अबको पार्टी एकता तलबाट गर्नुपने बताउनुभयोे। उहाँले गैर एमालेलाई एमालेमा समावेश गरी जिम्मेवारी दिन आग्रह पनि गर्नुभयो ।

स्थानिय कार्यकर्ताले मुल नेतृत्वमा सबै नपुगेपनि सबैलाई जिम्मेवारी दिने कार्य तथा नितिगत व्यवस्था पार्टीले गरेको बताउनुभयो। सम्मेलनमा उठेपछि हारेपनि वा पद नपाए पनि सकृय र जिम्मेवारी पुर्वक काम गरेमा जनताले खोजेरै अघि ल्याउने ढकालको भनाइ छ ।

उहाँले गैर एमालेलाई एमाले बनाएमा मिसन ८४ मा लक्ष भेदन गर्न सकिने बताउँदै यस पटक दसाले घेरेर सफलता भेटिएन तर अर्को पटक कायम गर्नका लागि लाग्न कार्यकर्ता लाई अनुरोध गर्नुभयो ।

यस्तै नेकपा एमाले केन्द्रीय सदस्य तथा धादिङ ईन्चार्ज धर्मदत्त देवकोटाले आर्थिक रुपमा पारदर्शी संगठनका हिसावले सिद्धलेक जिल्लामा छ नम्बरमा रहेकोले सफलताको मंजिलमा पुगेको बताउनुभयो ।

केन्द्रीय सदस्य जानुका सिंखडाले सिद्धलेकमा पुरानो बिरासत जोगाउने गरी काम गर्न कार्यकर्तालाई आग्रह गर्नुुभयो ।

यसैगरी एमाले जिल्ला अध्यक्ष भूमि त्रिपाठीले एमालेले सिद्धलेकमा जनताका लागि रगत बगाएर एमाले विनाको सिद्धलेक कल्पना गर्न नसकने अवस्थामा पुर्याएको बताउनुभयो ।पछिल्लो पटक हामी आफ्नै कारणले हारेको बताउँदै यसको गम्भीर समीक्षा गर्दै मिसन ८४ मा एमाले एक्लै उभिँदापनि विजय हुनेगरि पुनः लाग्न अनुरोध गर्नुभयो ।

अधिबेशनमा सल्लाहकार तथा धादिङका संस्थापक जगन्नाथ नेपाल, धादिङका संस्थापक टंकनाथ शर्मा, शहरी विकास विभाग सचिव गजेन्द्र थपलिया, जिल्ला कमिटि सदस्य तथा सिद्धलेक ईन्चार्ज गोबिन्द कँडेल लगायतले शुभकामना मन्तव्य राख्नु भएको थियो ।

कार्यक्रममा धादिङ जिल्लाबाट एमालेको वागमती प्रदेश कमिटीमा प्रतिनिधित्व गर्ने सदस्यहरु, जिल्ला कमिटीका पदाधिकारी तथा सदस्यहरुको आतिथ्य रहेको थियो ।

नेकपा एमाले सिद्धलेक गाउँपालिकाको दोस्रो अधिबेशन को सम्पुर्ण गतिबिधी तलको भिडियोमा हेर्नुहोस् ।

निर्वाचित हुनुभएका पदाधिकारी तथा सम्पूर्ण सदस्यहरुको विवरण हेर्न तलको लिंकमा क्लिक गर्नुहोस् ।

नेकपा-एमाले-सिद्धलेक-गाउँपालिका-कमिटी-दोस्रो-अधिवेसन-२०८१-मा-निर्वाचित-पदाधिकारीहरु