यस वर्षको मनसुन भित्रियो

यस वर्षको मनसुन प्रणाली भित्रिएको छ ।आजदेखि कोशी प्रदेशको पूर्वी भू-भागमा मनसुन भित्रिएको जल तथा मौसम विज्ञान विभागले जनाएको छ ।

नेपालको अन्य भू-भागमा केही दिनमा क्रमिक रुपमा मनसुन हुने अनुमान गरिएको छ । नेपालमा मनसुन भित्रिने सरदर मिति जुन १३ हो ।

यस वर्षको मनसुन सरदर मिति भन्दा तीन दिन छिटो भित्रिएको मौसम पूर्वानुमान महाशाखाले जनाएको छ ।

बिभागका अनुसार  मनसुनमा देशका अधिकांश स्थानमा सरदरभन्दा बढी वर्षा हुने सम्भावना ३५ देखि ५५ प्रतिशत रहेको छ।