जवाङ खोलाको पहिरो पन्छाइयो, पृथ्वीराजमार्ग दुईतर्फी सञ्चालनमा

धादिङ । धादिङको बेनीघाट रोराङ गाउँपालिका–१० जवाङ खोला नजिक तिग्राङ खानी क्षेत्रमा खसेको सुख्खा पहिरो पन्छाइएपछि पृथ्वीराजमार्गमा सवारी आवागमन पुनः सुचारु भएको छ।

जिल्ला प्रशासन कार्यालय धादिङका अनुसार बुधबार साँझ ६ः३० बजे माथिबाट सुख्खा पहिरो खस्दा राजमार्ग दुईतर्फी अवरुद्ध भएको थियो। पहिरो हटाउने कार्य सम्पन्न भएपछि हाल राजमार्ग दुईतर्फी सञ्चालनमा आएको प्रशासनले जनाएको छ।

प्रशासनले यात्रु तथा सवारी चालकलाई आवश्यक सतर्कता अपनाउन आग्रह गरेको छ।

अन्य आवश्यक सहयोग, समन्वय एवम् सहजिकरणका लागि सम्पर्क नम्बर

-नेपाल प्रहरी हटलाईन नम्बर – १०० 
-सशस्त्र प्रहरी वल नेपाल – १११४ 
-जिल्ला आपतकालिन संचालन केन्द्र-१२३४ वा ०१०-५२१४६४ 
-जिल्ला प्रहरी कार्यालय, धादिङ (सूचना अधिकारी) -९८५१२२९८६०