पहिरो खसेसँगै मुग्लिन-मलेखु सडक खण्ड अवरुद्ध

पृथ्वी राजमार्गको मुग्लिन मलेखु खण्डअन्तर्गत चितवनको इच्छाकामना गाउँपालिका–३ स्थित फिस्लिङ र मौवाखोलाको बीचमा पहिरो खस्दा मुग्लिन मलेखु सडक खण्ड अवरुद्ध बनेको छ।

सडक निर्माणका क्रममा खनेका ठाउँमा आज बिहान पहिरो खस्दा राजमार्गमा सवारी साधान आवत जावत रोकिएको इलाका प्रहरी कार्यालय मुग्लिनका प्रमुख निरला भण्डारीले जानकारी दिनुभयो।

यतिबेला अहिले पहिरो पन्छाउने काम जारी रहेको छ। पहिरोका कारण गन्तव्यमा हिँडेका सवारीसाधन बाटोमै रोकिएका छन्।

file photo