प्रजिअहरुलाई जिल्ला नछाड्न निर्देशन

७७ वटै जिल्लाका प्रमुख जिल्ला अधिकारीलाई गृहसचिव एकनारायण अर्यालले मनसुन अवधिभर आफ्नो जिल्ला नछाड्न निर्देशन दिनुभएको छ ।

विपद् प्रतिकार्यमा उच्च प्राथमिकताका साथ समन्वयात्मक काम गर्न निर्देशन दिदै सचिव अर्यालले जिल्ला नछाड्न प्रजिअहरुलाई निर्देशन दिनुभएको हो।

देशभर मनसुन भित्रिएसँगै हुनसक्ने विपद्जन्य घटना व्यवस्थापन गर्न आफ्ना जिल्लाका स्थानीय पालिकासँग सहकार्य एवम् समन्वय गरेर पूर्वतयारी अवस्थामा रहन निर्देशन दिनुभयो ।

विपद्बाट मानवीय क्षति व्यहोर्न पुगेका परिवारहरूमा आफैँ उपस्थित भई आवश्यक सहयोग गर्न पनि प्रमुख जिल्ला अधिकारीहरूलाई आग्रह गर्नुभएको छ।

तस्विर:जिल्ला प्रशासन कार्यालय धादिङ