मलाई गल्ती गर्ने छुट छैन : कृषि मन्त्री अधिकारी

धादिङ।  कृषि तथा पशुपन्छी विकासमन्त्री रामनाथ अधिकारीले आफुलाई गल्ती गर्ने छुट नभएको बताउनुभएको छ।

बिहिबार ललितपुरमा कृषि विभागले आयोजना गरेको विभाग र मातहतका निकायको चौथो त्रैमासिक तथा वार्षिक समीक्षा गोष्ठीमा मन्त्री अधिकारीले गल्ती गर्ने कुनै छुट नहुने भन्दै कृषकका समस्या सामाधानमा मुख्य भूमिका रहने बताउनुभएको हो ।

उहाँले योकृषि मन्त्रालय प्रत्यक्षरूपमा कृषकसँग जोडिएको हुँदा उनीहरूका समस्या समाधानमा केन्द्रित हुनुपर्ने बताउनुभयो ।

किसान लक्षित कार्यक्रम प्रभावकारी तवरले कार्यान्वयन गर्न र किसानका समस्या समाधान गर्न निर्देशन दिनुहुँदै अधिकारीले कृषि उत्पादन वृद्धि र किसानका समस्या समाधानमा मन्त्रालय र विभागबीच नङ र मासुको सम्बन्ध भएकाले विभाग थप सक्रिय बन्नुपर्ने बताउनुभयो ।