धादिङ मड्किलोमा हेलिकप्टर आकस्मिक अवतरण

धादिङ । थाक्रे गाउँपालिका वडा नम्बर ७ मड्किलोमा हेलिकप्टर आकस्मीक अवतरण गरिएको छ ।

पोखरा मनिपाल अस्पतालबाट दमको बिरामी लिएर काठमाण्डौंको लागि उडेको कैलास हेलिकप्टर सर्भिसेसको ९ एन-ए.एम.एल को हेलिकप्टर भिजिबिलिटी कम भएको कारण वडा नम्बर ७ स्थित धानखेतमा साँझ ५ बजे सुरक्षीत अवतरण गरिएको वडाअध्यक्ष युवराज खतिवडाले जानकारी दिनुभयो ।

खराब मौसमका कारण काठमाडौतर्फ जान जोखिम बढेपछि पाइलटले सुरक्षित ठाउँमा अवतरण गराएको जिल्ला प्रहरी कार्यालय धादिङका प्रहरी नायव उपरीक्षक मकेन्द्र कुमार मिश्रले जानकारी दिनुभयो ।