धादिङका उत्तम ११ किलो गाँजासहित पक्राउ

धादिङ । काठमाडौंको चन्द्रागिरी नगरपलिका-२ नागढुङ्गास्थित चेक प्वाइन्टबाट अवैध लागूऔषध गाँजासहित एक जना पक्राउ परेका छन् ।

पक्राउ पर्नेमा धादिङको बेनिघाट रोराङ गाउँपालिका-९ बस्ने ३६ वर्षीय उत्तम ठकुरी रहेका छन् ।

बिहीबार बेलुकी प्रहरी प्रभाग नागढुङ्गाबाट खटिएको प्रहरीले नवलपरासीबाट काठमाडौंतर्फ जाँदै गरेको ना.५ ख ९३३७ नम्बरको ट्रकलाई जाँच गर्ने क्रममा करिब ११ किलोग्राम गाँजा फेला पारी ट्रक चालक ठकुरीलाई पक्राउ गरिएको प्रहरीले जनाएको छ ।

यस सम्बन्धमा थप अनुसन्धान भईरहेको छ।