साफ च्याम्पियनशिप : नेपालले आज बङ्गलादेशसँग खेल्दै

२० वर्षमुनिको साफ च्याम्पियनशिप फुटबलमा आज नेपालले आज बङ्गलादेशसँग खेल्दै छ ।

समूह ‘ए’ मा रहेका नेपाल र बङ्गलादेशको खेल ललितपुरको सातदोबाटोमा रहेको एन्फा कम्प्लेक्स मैदानमा दिउँसो ३ बजे शुरु हुनेछ । नेपाल र बङ्गलादेश दुवै टोली सेमिफाइनलमा पुगिसकेका छन् ।

आजको खेलबाट यो समूहको विजेता र उपविजेताको टुङ्गो लाग्नेछ । यो समूहको श्रीलङ्का पहिलो खेलमा नेपालसँग र दोस्रो खेलमा बङ्गलादेशसँग पराजित हुँदै बाहिरिइसकेको छ ।

अब भोलि हुने भारत र माल्दिभ्सबीचको खेलबाट समूह ‘बी’ बाट सेमिफाइनलमा पुग्ने टोलीको टुङ्गो लाग्नेछ ।