धादिङ गजुरीबाट २१ किलो गाँजासहित २ जना पक्राउ

धादिङ । धादिङको गजुरी गाउँपालिका-१ गजुरी बजारबाट २१ किलोग्राम अवैध लागूऔषध गाँजासहित २ जना पक्राउ परेका छन् ।

गएराति इलाका प्रहरी कार्यालय गजुरीबाट खटिएको प्रहरीले गजुरी गाउँपालिका-८ बस्ने २७ वर्षीय रमेश तामाङ समेत २ जनालाई पक्राउ गरेको हो।

काठमाडौंबाट बुटवलतर्फ जाँदै गरेको लु.२ ख ६८२३ नम्बरको बसलाई जाँच गर्ने क्रममा बसमा सवार उनीहरूलाई उक्त गाँजा फेला पारी पक्राउ गरिएको प्रहरीले जनाएको छ।