धादिङ ससाहमा बस र माइक्रो एकापसमा ठक्कर खादा आठ जना घाइते

धादिङ। धादिङको कालुपाण्डेमार्ग अन्तरगत नीलकण्ठ नगरपालिका-८ ससाहमा बस र इभि माइक्रो ठोक्किदा आठ जना घाइते भएका छन् ।

आज दिउँसो धादिङबेशीबाट काठमाडौं जाँदै गरेको ना ७ ख ३१९८ नम्बरको बस र बागमती प्रदेश ००१ ज ०५२९ ईभी माइक्रो एक आपसमा ठक्कर खादा माइक्रोमा सवार ८ जना घाइते भएको जिल्ला प्रहरी कार्यालय धादिङका प्रहरी नायव उपरीक्षक मकेन्द्रकुमार मिश्रले बागमती कलमलाई जानकारी दिनुभयो।

दुर्घटनामा परि घाइते भएकाहरुको धादिङ अस्पतालमा उपचार भइरहेको छ ।

दुई जनालाई थप उपचारका लागि काठमाडौं लैजाने तयारी भइ रहेको धादिङ अस्पतालका सुचना अधिकारी डाक्टर राम रिजाल जानकारी दिनुभयो।