धादिङबाट २१ किलो गाँजासहित समातिएका भक्तबहादुर र रमेश

धादिङ । गजुरी गाउँपालिका–१ गजुरी बजारबाट २१ किलो गाँजासहित दुई जना पक्राउ परेका छन् ।

विशेष सुराकीको आधारमा मंगलबार राती गजुरी गाउँपालिका–८ पाखुरेका ४३ वर्षीय भक्तबहादुर तामाङ र २७ वर्षीय रमेश तामाङलाई पक्राउ गरिएको ईलाका प्रहरी कार्यालय गजुरीका प्रहरी नायव उपरीक्षक डिल्लीनारायण पाण्डेले जानकारी दिनुभयो ।

बुटवलतर्फ जान लागेको गाडीलाई चेकजाँच गर्नेक्रममा उक्त गाँजा फेला पारी पक्राउ गरिएको पाण्डेले बताउनुभयो ।

पक्राउ परेका दुबै जनालाई जिल्ला अदालत धादिङबाट सात दिन म्याद लिई थप अनुसन्धान भईरहेको पाण्डेले जानकारी दिनुभयो। तस्विर:शंकर श्रेष्ठ