धादिङ सुकमान र केदार १४ किलो चरेशसहित पक्राउ

धादिङ । मकवानपुरको हेटौंडा उपमहानगरपालिका-१५ रातोमाटे चोकबाट अवैध लागूऔषध चरेशसहित २ जना पक्राउ परेका छन् ।

पक्राउ पर्नेहरूमा धादिङको गजुरी गाउँपालिका-८ बस्ने ३६ वर्षीय सुकमान तामाङ र ४२ वर्षीय केदार तामाङ रहेका छन् ।

प्रहरी चौकी रातोमाटेबाट खटिएको प्रहरीले शुक्रबार साँझ काठमाडौंबाट पथलैयातर्फ जाँदै गरेको ना.७ ख ६०६१ नम्बरको बसलाई जाँच गर्ने क्रममा बसमा सवार उनीहरूको साथबाट करिब १४ किलोग्राम चरेश फेला पारी पक्राउ गरिएको प्रहरीले जनाएको छ।

यस सम्बन्धमा प्रहरीले आवश्यक अनुसन्धान गरिरहेको छ।