धादिङमा बालिका बलात्कार गर्ने एक भारतिय नागरिकलाई १२ वर्ष कैद,५ लाख जरिवाना

धादिङ । धादिङमा १४ वर्षीय बालिकालाई बलात्कार गरेको कसुरमा एक भारतीय नागरिकलाई १२ वर्ष कैद सजायको फैसला गरिएको छ ।

भारतका ४० वर्षीय संजयकुमार प्रसादलाई १२ वर्ष कैद सजायसँगै ५ लाख जरिवाना गर्न र पीडितलाई २ लाख रुपैयाँ क्षतिपूर्ति दिन फैसला गरिएको जिल्ला अदालतका श्रेस्तेदार माधव भण्डारीले जानकारी दिनुभयो ।

अदालतले कसुरदारको ठेगाना बेनिघाट रोराङ गाउँपालिका–७ उल्लेख गरेको छ ।

जिल्ला न्यायधिस मनकुमारी जिएम विकले ०८१ भदौ २५ गते सो फैसला गर्नुभएको हो ।

कसुरदारले ०८० बैशाख १ गते बालिका बलातकार गरेको भन्दै पीडित परिवारले ०८० बैशाख २८ गते इलाका प्रहरी कार्यालय गजुरीमा मुद्दा दर्ता भएको थियो ।

पीडितको बैशाख २८ गते नै धादिङ अस्पतालमा स्वास्थ्य परिषण भएको थियो ।

तत्कालिन अवस्थामा फरार भएका कसुरदार ०८१ बेशाख २ गते प्रहरीले गिरफ्तारकोमा बैशाख १६ गते जिल्ला अदालतमा मुद्दा दर्ता गरि बैशाख १७ गतेदेखि पुरपक्षका लाथि थुनामा थिए ।