एसिया सिनियर करातें च्याम्पियनसिपमा एरिकालाई ऐतिहासिक रजत

काठमाडौं । २० औं एसिया सिनियर करातें च्याम्पियनसिपमा नेपालकी एरिका गुरुङले रजत पदक जितेकी छन् ।

चीनको हाङ्जाउमा आज भएको ६८ केजी माथि तौल समुहको फाइनलमा भियतनामकी नाओन थि नुयेनसँग ६–० ले पराजित भएसँगै नेपालकी एरिका गुरुङ रजत पदकमा सीमित भईन् ।

एरिकाले प्राप्त गरेको रजत पदक पनि नेपालका लागि ऐतिहासिक पदक हो ।

एसियन कराते फेडरेसनले आयोजना गर्ने एसियन च्याम्पियनसिपमा नेपालले जितेको यो पहिलो पदक हो ।अहिलेसम्म कुनै पनि नेपाली खेलाडीले एसियन सिनियर च्याम्पियनसिपमा पदक जित्न सकेका थिएनन् ।

प्रि क्वाटरफाइनलमा फिलिपिन्सकी इसाबेल अरियन्ने ब्रिटोलाई ४–० ले पराजित गरेकी एरिकाले क्वाटरफाइनलमा सोफिया बेरुल्टसेभालाई हराएकी थिईन् ।

१९औं एसियन गेम्समा उनैसँग पराजित हुँदै रजतमा चित्त बुझाएकी एरिकाले उनै खेलाडीलाई हराउँदै सेमिफाइनल प्रवेश गरेकी थिइन् ।

उनले सेमिफाइनलमा थाइल्याण्डकी केवलिन सोङगलिनलाई ८–० ले हराउँदै फाइनलमा स्थान बनाउँदै फाइनल पुगेकी थिइन्।

धादिङको नीलकण्ठ नगरपालिका–१३ लाहुरे गाउँकी एरिकाले गत बर्ष १९ औं एसियाली खेलकुदमा रजत जितेकी थिईन् ।