भोलि बेलुकीसम्म लगातार झरी पर्ने,आइतवारदेखि सुधार हुने मौसमविद्को भनाई

भोलि बेलुकीसम्म लगातार झरी पर्ने मौसमविद् गोविन्द झाले बताउनुभएको छ ।अहिले देशका धेरै ठाउँमा मेघगर्जन र चट्याङसहित पानी परिरहेको छ ।

धेरै ठाउँमा हल्कादेखि मध्यम वर्षा भए पनि केही ठाउँमा भने ठूलो पानी परेको छ। आइतवार बिहान पनि केही ठाउँमा पानी पर्ने सम्भावना रहेको मौसम पूर्वानुमान महाशाखाले जनाएको छ ।

आइतवार दिउँसो या बेलुकीदेखि मौसममा क्रमिक सुधार हुने मौसमविद् झाले बताउनुभयो । गएरातिदेखि नै ठूलो पानी परेका ठाउँमा रहेका खोला र नदीहरुमा बाढी आएको छ ।