झ्याप्लेखाेलाको पहिरोमा हालसम्म १७ शव भेटियो

धादिङ । त्रिभुवन राजपथ अन्तरगत धुनिबेसी नगरपालिका-९ झ्याप्लेखोलाको पहिरोमा थप ३ वटा शव भेटिएको छ।

उद्धारमा सलग्न साेही स्थानका जनप्रतिनिधि विक्रमजंग रानाले एउटा बस र ३ शब निकालिएकाे जानकारी दिनुभयाे।

शवको पहिचान नभएको नागढुंगाका डीएसपी सूर्य सुवेदीले बताउनुभयो।

गोरखाबाट शुक्रबार बिहान छुटेको बस हुन सक्ने आशंका गरिएको भए पनि पुष्टि भने भइसकेको छैन।

शुक्रबार बिहान ७ बजे गोरखाको लापुबेसीबाट काठमाडौंका लागि छुटेको ना ४ ख २२७० नम्बरको बस सम्पर्कविहीन भएको दरौदी यातायात प्रालिले जनाएको छ।

उक्त बस नै झ्याप्लेखोलामा गएको पहिरोमा परेको हुन सक्ने आशंका गरिएको छ।झ्याप्लेखाेलामा हालसम्म १७ शव निकालिएकाे छ ।

१४ शव शनिबार नै निकालिएकाे धादिङका प्रमुख जिल्ला अधिकारी राजेन्द्र देव पाण्डेले जानकारी दिनुभयो।

पहिरो पुरिएको सवारी निकाल्ने प्रयास जारी रहेको प्रहरीले जनाएको छ।