धादिङको कृष्णभीरमा सडक भासियो,तत्काल मर्मत सम्भव नरहेको भुगर्भविद्को भनाई (भिडियो सहित)

धादिङ । पृथ्वी राजमार्ग अन्तर्गत धादिङको बेनीघाट रोराङ गाउँपालिमा पर्ने कृष्णभिरमा सडक भासिएको छ ।

बुधबार दिउँसो सडक भासिएर त्रिशूली नदीतर्फ बगेपछि सवारी एकतर्फी भएको छ ।

जिल्ला प्रहरी कार्यालय धादिङका प्रहरी निरीक्षक,सूचना अधिकारी प्रल्हाद सिलवालका अनुसार सवारी एकतर्फी भएको स्थानमा प्रहरीले आलोपालो गरी सवारी संचालनको व्यवस्था मिलाएको छ ।

नदी किनारदेखि नै सडक भासिन सुरु भएकोले ठूला सवारीलाई दुईतर्फी संचालन गर्न सक्ने अवस्था नरहेको सिलवालले बताउनुभयो ।

साना सवारीहरुले भने सहजै आउजाउ गरिरहेका छन् ।

ठूला सवारीहरुलाई आलोपालो गरी भासिएको स्थानबाट पास गराइरहेको सिलवालले जानकारी दिनुभयो ।

उक्त भासिएको स्थानमा सडक माथि पनि पहिरोको जोखिम रहेको भुगर्भविद्ले बताएका छन् ।

बुधबार साँझ धादिङका प्रमुख जिल्ला अधिकारी सुमन घिमिरेसहित भुगर्भविद् डा.सौलभ भण्डारीको टोलिले भासिएको स्थानको अनुगमन गर्नुभएको छ ।

वर्षाै पहिले पनि त्यस स्थानमा पहिरो चलेकोे र अहिले फेरी भासिएकोले तत्काल मर्मत गर्ने संभावना नरहेको भुगर्भविद् भण्डारीले बताउनुभयो ।

खोला सम्मै भासिएको पहिले जसरी खोलाबाटै वाल उठाउनुपर्ने भन्दै उहाँले अहिले भासिएको स्थानमा तल खोलाले कटिङ गरिरहेकोले सडक अति असुरक्षित रहेको बताउनुभयो ।

दुई दिन अघिको बर्षाको कारण माथिल्लो भेगमा पनि दुई वटा पहिरो रहेको भुगर्भविद् भण्डारीले बताउनुभयो ।

पृथ्वी राजमार्गको जोखिमपूर्ण स्थानहरुमा २४ सै घण्टा प्रहरी परिचालन थालिएको छ ।

संवेदशनसिल ठाउँमा सादा पोसाकका प्रहरी र पहिरोको जोखिम देखिएका स्थानको पाँच सय मिटर पर सवारी रोकेर व्यवस्थापन मिलाइएको प्रहरीले जनाएको छ ।

हेर्नुहोस् भिडियो……….