काभा यू-२० पुरुष भलिबल : नेपालले आज फाईनलमा उज्वेकिस्तानसँग प्रतिस्पर्धा गर्ने

काठमाडौं।काभा यू-२० पुरुष भलिबल प्रतियोगितामा नेपाल फाइनल प्रवेश गरेको छ।

श्रीलंकाको कोलम्बोमा जारी प्रतियोगिता अन्तरगत शुक्रबार तुर्कीमिनिस्तानलाई ३-० सेटले पराजित गर्दै नेपाल फाइनल प्रवेश गरेको हो।नेपालले तुर्कमिनेस्तानलाई २५-१४, २५-२१, २५-२० ले हरायो ।

नेपाली टिमका मुख्य प्रशिक्षक रमेश केसीका अनुसार नेपालले प्रतियोगितामा पाँच मध्ये तीन खेल जित्दै कूल १० अंक जोडेर शीर्ष दुईमा रहँदै फाईनलमा स्थान बनाएको हो।

नेपाफ श्रीलंका र माल्दिभ्सलाई समान ३-० को सेटमा हराएको थियो भने उज्वेकिस्तानसँग ३-१ र किर्गिस्तानसँग ३-२ सेटको पराजित भएको थियो ।

तुर्कमिनेस्तानको पनि ५ खेलबाट नेपाल समान १० अंक नै भएपनि सेट जितेको आधारमा नेपाल फाईनल पुगेको प्रशिक्षक रमेश केसीले जानकारी दिनुभयो।नेपालले अब फाईनलमा शनिबार उज्वेकिस्तानसँग प्रतिस्पर्धा गर्नेछ।