नलाङ खिर्रेमा भोलि रक्तदान कार्यक्रम हुने

धादिङ । सिद्धलेक गाउँपालिका-२ नलाङस्थित खिर्रेभञ्याङमा भोलि मंगलबार रक्तदान कार्यक्रम हुने भएको छ ।

दशैको अवसरमा आईतबार देखि तमु युवा समाजले आयोजना गरेको खुल्ला पालिका स्तरिय पुरुष भलिबल प्रतियोगिता (स्व.लोक बहादुर गुरुङ र स्व.मनोज श्रेष्ठ स्मृती कप) अन्तरगत भोलि रक्तदान कार्यक्रम हुने नेपाल रेडक्रस सोसाईटी नलाङ उपशाखाका सभापती एवम धादिङ जिल्ला भलिबल संघका अध्यक्ष अमृत गुरुङ (तिलक) ले जानकारी दिनुभयो ।

रक्त सञ्चार सेवा केन्द्र धादिङको प्राविधिक सहयोगमा भोलि बिहान १० बजेदेखी अपरान्ह ४ बजेसम्म रक्तदान कार्यक्रम हुने गुरुङले बताउनुभयो ।

नेपाल रेडक्रस सोसाईटी नलाङ उपशाखाको आयोजना तथा तमु युवा समाजको सह आयोजनामा हुने रक्तदान कार्यक्रममा सहभागि भई रक्तदान गर्न सम्पूर्ण नागरिकहरुलाई उहाँले आग्रह गर्नुभएको छ।