धादिङमा पनि मनाइयो ६९औं प्रहरी दिवस

धादिङ । आज ६९औं प्रहरी दिवस,जिल्ला प्रहरी कार्यालय धादिङले धादिङबेसीमा विविध कार्यक्रम गरी मनाएको छ ।

कार्यक्रमको अवसरमा अमर प्रहरी स्मारकमा पुष्प गुच्छा अर्पण गरिएको थियो भने कर्तव्य पालनको सिलसिलामा ज्यान उत्सर्ग गरेका सम्पूर्ण अमर प्रहरी परिवारलाई दोसल्ला ओडाएर सम्मान गरिएको थियो ।

यस्तै विभिन्न खेलकुदमा प्रथम र द्धितिय स्थान हासिल गर्ने प्रहरी कर्मचारीहरुलाई सम्मान-पत्र तथा पुरस्कार वितरण गरिएको थियो।

दिवसको अवसरमा नेपालपथकर्मी अर्जुन श्रेष्ठ सम्मानित भएका छन् ।

नागरिकलाई सुसुचित गर्ने र समाजमा भएका सामाजिक अपराधहरु न्यूनिकरण गर्न तथा सडक सुरक्षाको सवालमा गहन भूमिका खेलेको भन्दै जिल्ला प्रहरी कार्यालय धादिङले श्रेष्ठलाई सम्मान गरेको हो ।

नेपालपथ डटकमका सम्पादक तथा रेडियो धादिङका कार्यक्रम संयोजक र नयाँ पत्रिका राष्ट्रिय दैनिकका जिल्ला सम्वाददाता रहेका श्रेष्ठ विगत १४ वर्षदेखि पत्रकारिता क्षेत्रमा सक्रिय हुनुहुन्छ ।

कार्यक्रमका प्रमुख अतिथि जिल्ला समन्वय समिति धादिङका प्रमुख नवराज अधिकारीले शान्ति सुरक्षा, सुव्यवस्था तथा अमन चयनको क्षेत्रका खेलेको भूमिका प्रशंसा योग्य रहेको बताउनुभयो ।