महिला साफ च्याम्पियनसिप आजदेखि

काठमाडौं । आजदेखि काठमाडौँमा साफ महिला फुटबल च्याम्पियनसिप शुरु हुदै छ ।

प्रतियोगितामा आयोजक नेपालसहित भारत, पाकिस्तान, श्रीलंका, भुटान, माल्दिभ्स र बंगलादेशले यो प्रतियोगितामा भाग लिदै छन् ।

समुह ए मा भारत, बंगलादेश र पाकिस्तान रहेका छन् भने समुह बी मा नेपाल, श्रीलंका, माल्दिभ्स र भुटानसँग रहेका छन् ।

प्रतियोगिताको पहिलो खेल विहिबार भारत र पाकिस्तानबीच हुदै छ । यो खेल नेपाली समय अनुसार साँझ साढे ५ बजेदेखि दशरथ रंगशालामा हुदै छ ।

नेपालले भने शुक्रबार पहिलो खेलमा भुटानको सामना गर्दै छ ।

नेपालले यसअघिका सबै छ साफ च्याम्पियनसिपमा भाग लिएपनि अहिलेसम्म उपाधि जितेको छैन । नेपाल पाँच पटक प्रतियोगिताको उपविजेता बनेको छ ।

अहिलेसम्म भारतले प्रतियोगिताको पाँच पटक उपाधि जितेको छ भने एक पटक बंगलादेशले उपाधि जितेको छ ।

च्याम्पियनसिपका लागि अखिल नेपाल फुटबलले २३ सदस्यीय टिमको घोषणा गरेको छ ।

जसअनुसार गोलकिपर अन्जिला तुम्बापो सुब्बा ९सी०, अञ्जना राना मगर र उषा नाथ रहेका छन् । डिफेन्डरमा गीता राणा, अमृता जैसी, समिच्छ घिमिरे, निशा थोकर, पूजा राणा, विमला विक, हिरा कुमारी भुजेल र सजनी थोकर रहेका छन् ।

त्यस्तै मिडफिल्डरमा रेणुका नगरकोटे, प्रीति राई, सरु लिम्बु, दिपा शाही, सविता राना मगर, अनिता बस्नेत, अमिषा कार्की र विमला चौधरी र फरवार्डमा रश्मीकुमारी घिसिङ, अनिता केसी, रेखा पौडेल र सावित्रा भण्डारी रहेका छन् ।