धार्के–सितापाइला सडक बन्द

काठमाण्डौ ।आजदेखि धादिङको धार्के–सितापाइला सडक अनिश्चितकालका लागि बन्द गरिएको छ ।

धार्के–ठूलोखोला खण्डमा दोस्रो लेयरको कालोपत्र गर्ने काम शुरु भएको भन्दै धार्के–सितापाइला सडकखण्ड बन्द गरिएको जनाएको छ ।

धुनिबेशी नगरपालिका वडा नम्बर–५ का वडाअध्यक्ष विशाल भट्टराईले आज सूचना निकालेर अर्को सूचना नआउन्जेलसम्मका लागि सडक बन्द भएको जानकारी दिनुभएको छ ।

सडक बन्द भएको समयमा अत्यावश्यक बाहेकका गाडी चलाउन रोक लगाइएको सूचनामा उल्लेख छ । तस्बिर:सामाजिक सञ्जाल