नेपालमा डेङ्गी सङ्क्रमणबाट १२ जनाको मृत्यु,डेङ्गीका तीन प्रकारका भाइरस सक्रिय

काठमाण्डौ ।नेपालमा सङ्क्रमणबाट १२ जनाको मृत्यु भएको इपिडिमियोलोजी तथा सरुवा रोग नियन्त्रण महाशाखाले जनाएको छ ।

हाल हुम्ला जिल्ला बाहेक सबै जिल्लामा डेङ्गी सङ्क्रमण देखिएको छ।

अहिलेसम्म देशभर २८ हजार दुई सय भन्दा बढिमा सङ्क्रमण पुष्टि भएको छ।

नेपालमा डेङ्गीका तीन प्रकारका भाइरस सक्रिय रहेको पाइएको छ । डेङ्गीका भाइरसका स्वरूप सेरोटाइप–१, सेरोटाइप–२, सेरोटाइप–३, सक्रिय रहेको इपिडिमियोलोजी तथा सरुवा रोग नियन्त्रण महाशाखाका किटजन्य रोग शाखाका प्रमुख डा.गोकर्णप्रसाद दाहालले जानकारी दिनुभयो ।

सात वर्षअघि सेरोटाइप–१, सेरोटाइप–२, सेरोटाइप–३, सेरोटाइप–४ सक्रिय रहेकोमा अहिले तीन प्रकारका भाइरसका स्वरूप सक्रिय रहेको पाइएको उहाँले बताउनुभयो ।

शाखाका प्रमुख डा.दाहालका अनुसार कात्तिकसम्म लामखुट्टे सक्रिय हुने भएकाले जोखिम हुने बताउनुभयो । उहाँले कात्तिकपछि जाडो अलि बढ्ने र त्यसपछि डेङ्गी सार्ने लामखुट्टे पनि हराउँदै जाने बताउनुभयो ।