आगामी निर्वाचसम्म यहि गठबन्धन कायम रहने कांग्रेस नेता निधिको भनाई

धादिङ ।नेपाली कांग्रेसका नेता एवं पुर्व उपप्रधानमन्त्री विमलेन्द्र निधिले आगामी निर्वाचसम्म यहि गठबन्धन कायम रहने बताउनुभएको छ ।

बुधबार धादिङको गजुरीमा पत्रकारहरुसंग कुरा गर्दै नेता निधिले प्रधानमन्त्री केपी शर्मा ओलीले गरेको कामप्रति नेपाली कांग्रेस असन्तुष्ट नरहेकाले आगामी निर्वाचसम्म यहि गठबन्धन कायम रहने बताउनुभएको हो ।

उहाँले सरकार परिवर्तनको हल्ला चलिरहदा कांग्रेस एमालेको गठबन्धन सरकारमा कुनै समस्या नरहेको बताउनुभयो।

उहाँले सरकार निर्माण अघि नै आलोपालो सरकार चलाउने सहमति अनुरुप साढे दुई वर्ष केपी ओलीले नै सरकारको नेतृत्व गर्ने र त्यसपछि कांग्रेस सभापति शेरबहादुर देउवाको नेतृत्वमा सरकार गठन हुने स्पष्ट पार्नुभयो ।

निधिले नेपाली कांग्रेसको आगामी १५औं महाधिवेशनमा आफुसहित शसांक कोइराला, गोपालमान श्रेष्ठ, प्रकाशमान सिंह, पुर्ण बहादुर खड्कालगायतका नेताहरुसंग छलफल गरि एकमात्र उम्मेद्वार बनाइने बताउनुभयो ।