स्ववियु चुनावमा भाग लिन २५ विद्यार्थी सङ्घ-सङ्गठनले गराए नाम दर्ता

काठमाण्डौ । स्वतन्त्र विद्यार्थी युनियन (स्ववियु) चुनावमा भाग लिन २५ वटा विद्यार्थी सङ्घ-सङ्गठनले नाम दर्ता गराएका छन्।

आउँदो चैत ५ गते हुने चुनावको लागिचुनावी कार्यतालिकाको पहिलो दिन हिजो सोमबार विद्यार्थी सङ्घ, सङ्गठन र समूह दर्ताको काम सकिएको छ ।

दर्ता गरेका नाममध्येबाट छानबिन गरेर यथाशीघ्र नामावली प्रकाशन गरिने स्ववियु निर्वाचन समितिले जनाएको छ।

स्ववियु चुनावमा सहभागी हुन सम्बन्धित क्याम्पसमा पनि विद्यार्थी सङ्गठन, समूह दर्ता हुनुपर्ने व्यवस्था छ।

त्रिविका ६२ वटै आङ्गिक क्याम्पसमा निर्वाचन समिति गठन भएको छ।