धादिङका नारायण सिलवाल प्रेस सन्टरको केन्द्रीय सदस्यमा निर्वाचित

धादिङ । धादिङका नारायण सिलवाल प्रेस सन्टरको केन्द्रीय सदस्यमा पुनः निर्वाचित हुनुभएको छ।

आईतबार काठमाडौँमा सम्पन्न प्रेस सेन्टर नेपालको ५ औँ राष्ट्रिय महाधिवेशनबाट धादिङपोष्ट डटकमका प्रधान सम्पादक नारायण सिलवाल पुनः केन्द्रीय सदस्यमा निर्विरोध निर्वाचित हुनुभएको हो।

सिलवाल यसअघि सम्पन्न चौंथो महाधिवेशनमा पनि केन्द्रीय सदस्यमा निर्विरोध निर्वाचित हुनुभएको थियो।

२०८० भदौ २१ को केन्द्रीय कमिटीको निर्णयबाट सिलवाल प्रेस सन्टरको धादिङ जिल्ला इञ्चार्ज समेत हुनुहुन्थ्यो।

सचिव पदका आकांक्षी सिलवाल मतदान प्रक्रियामा नजाने भएपछि बागमती प्रदेशबाट सचिवमा मिनकुमार दाहाललाई सघाउँदै केन्द्रीय सदस्यमा निर्विरोध हुनुभएको हो।

बागमती प्रदेशले एक पदाधिकारी सहित ५ केन्द्रीय सदस्य पाएको छ जसमा सचिव मिनकुमार दाहाल, महिला सदस्यमा अजिता अधिकारी, ध्रुर्वराज ढकाल, रामकृष्ण बञ्जरा र धादिङका सिलवाल रहेका छन्।

केन्द्रीय समितिको सदस्य संख्या २९९ बाट ९९ मा झरे सँगै अब सिलवाललाई धादिङ–नुवाकोट र रसुवाको समेत इञ्चार्ज जिम्मेवारी दिने तयारी अनुरुप केन्द्रिय सदस्यमा निर्विरोध निर्वाचित गरेको जनाईएको छ।

महाधिवेशनमा अध्यक्ष, वरिष्ठ उपाध्यक्ष, महासचिव, उपमहासचिव, सचिव लगायतका पदमा गोप्य मतदान भएको थियो । जसमा अध्यक्षमा कमल गिरि, वरिष्ठ उपाध्यक्षमा सुरेश अधिकारी, उपाध्यक्ष खुल्लामा लक्ष्मण खड्का, विवेक गौतम र रामसिंह ठगुन्ना, उपाध्यक्ष समावेशीमा दिपक श्रेष्ठ जलन, उपाध्यक्ष महिलामा शान्ता अधिकारी, महासचिवमा मनोज घर्ती, उपमहासचिवहरूमा ज्ञान प्रसाद पौडेल, बुद्ध लोप्चन, हरिश विक, लक्ष्मी आचार्य, अनिल मिश्र निर्वाचित हुनुभएको छ।

महाधिवेशनमा देशैभरबाट ८०४ प्रतिनिधि र आयोजकहरू सहभागी थिए ।