नेपाल बुद्धिजीवी परिषद्को अध्यक्षमा धादिङका गजेन्द्र थपलिया निर्वाचित

धादिङ । नेकपा (एमाले) को जनवर्गिय संगठन नेपाल बुद्धिजीवी परिषद्को अध्यक्षमा धादिङको सिद्धलेक गाउँपालिका-६ परेवाटारका ईन्जिनियर गजेन्द्र थपलिया विजयी हुनुभएको छ।

परिषदको आईतबार भएको ११ औँ अधिवेशनमा थपलियाले डा दीपेन्द्र भण्डारीलाई ५० मतको अन्तरले पराजित गर्दै बिजयी हुनुभएको हो । थपलिया वर्तमान महासचिव हुनुहुन्थ्यो ।

अध्यक्षमा निर्वाचित हुनुभएका थपलिया जसको योजनामा नेपालमा तुईन विस्थापित भएको थियो भने माथिल्लो तामाकोशी जलविद्युत् आयोजना, नागढुंगा सुरुङमार्ग, र मध्यपहाडी लोकमार्गजस्ता ठूला पूर्वाधार परियोजनाहरु अगाडि बढेका थिए ।

थपलिया नेकपा एमालेको शहरी विकास विभाग सचिव समेत हुनुहुन्छ ।

यो अधिवेशनसँगै तीन कार्यकाल नेतृत्वको जिम्मेवारी सम्हाल्नुभएको डा दिनेशचन्द्र देवकोटाले बुद्धिजीवी परिषद्बाट विदा लिनुभएको छ ।

अधिवेशनबाट महासचिवमा डा दीपेन्द्र श्रेष्ठ निर्वाचित हुनभएको छ । तीन पद बाहेक सबै पद निर्विरोध भएको थियो । अधिवेशन पाँच आयोगसहित ९९ सदस्यीय केद्रीय कमिटी निर्वाचित गरेको छ ।