थपलियामाथिको जबरजस्ती करणी उद्योगको आरोप झुठा भएको दाबी, स्थानीयद्धारा जाहेरी खारेजीको माग

धादिङ । नीलकण्ठ नगरपालिका–८ का पूर्व वडा अध्यक्ष ६५ वर्षीय गुणबहादुर थपलिया र उनका छोरा ४० वर्षीय रामशरण (केशव) थपलियामाथि लगाइएको जबरजस्ती करणी उद्योगसम्बन्धी आरोप निराधार भएको स्थानीयले दाबी गरेका छन्।

उनीहरूलाई प्रहरीले नियन्त्रणमा लिएपछि बुधवार स्थानीयवासीहरू जिल्ला प्रहरी कार्यालय धादिङ पुगेका थिए। कानूनको दुरुपयोग गर्दै योजनाबद्धरूपमा झुठा आरोप लगाइएको भन्दै स्थानीयले प्रहरीलाई लिखित निवेदन दर्ता गराउँदै जाहेरी खारेजीको माग गरेका छन्।

८ नम्बर वडाका २५० भन्दा बढी स्थानीयवासीले संयुक्त हस्ताक्षर गर्दै घटनाको सत्यतथ्य गम्भीर रूपमा जाँचबुझ गर्न, आरोपितलाई बदनाम गर्ने उद्देश्यले गलत उजुरी गर्नेहरूलाई कारबाही गर्नुपर्ने माग गरेका छन्।

स्थानीयहरूले घटना वास्तविकताभन्दा फरक रूपमा प्रस्तुत गरिएको र व्यक्तिगत रिसइवीका कारण निर्दोषलाई फसाउने प्रयास भएको आरोप समेत लगाएका छन्।

थपलियामाथि लगाइएको आरोपबारे मंगलबार बागमती कलममा प्रकाशित समाचारप्रति पनि स्थानीयवासीहरूले आपत्ति जनाएका छन्।

समाचारमा उल्लेखित आरोपहरू निराधार र तथ्यविपरीत रहेकाले आफूहरूले खण्डन गर्न बाध्य भएको दिपक कोईरालाले बताउनुभयो ।

उनीहरूले कानूनी प्रक्रियाको दुरुपयोग गर्दै योजनाबद्ध रूपमा निर्दोष व्यक्तिमाथि गलत आरोप थोपरेको कोईरालाले बताउनुभयो ।

प्रहरीले भने यस सम्बन्धमा आवश्यक अनुसन्धान भइरहेको र कानून अनुसार प्रक्रिया अघि बढाइने जनाएको छ।

यसअघि बागमती कलममा प्रकाशित समाचार

लिंक

https://www.bagmatikalam.com/news/2025/11/25/29352/

नीलकण्ठ(८ का पूर्व वडाध्यक्ष र उनका छोरा विरुद्ध जबरजस्ती करणी उद्योगसम्बन्धी जाहेरी दर्ता