निपाह भाइरसको उच्च जोखिममा नेपाल

काठमाडौँ । छिमेकी देश भारतमा ज्यादै संक्रामक मानिएको निपाह भाइरस संक्रमणका केशहरू पुष्टि भएपछि नेपाल पनि उच्च जोखिममा परेको छ।

सरकारले जनस्वास्थ्यका मापदण्डहरू कडाइका साथ पालना गर्न नागरिकमा निर्देशन समेत जारी गरिसकेको छ। यता स्वास्थ्य तथा जनसंख्या मन्त्रालयले निपाह भाइरसको संक्रमणको परीक्षणसम्बन्धी निर्देशिका जारी गरेको छ।

निपाहको समयमै पहिचान र नियन्त्रणका लागि नमुना संकलन तथा परीक्षणसम्बन्धी अन्तरिम निर्देशिका जारी गर्दै देशभरका स्वास्थ्य संस्थालाई तयारी अवस्थामा रहन निर्देशन दिएको आपतकाल स्वास्थ्य विपद् व्यवस्थापन इकाइका प्रमुख डा.प्रकाश बुढाथोकीले जानकारी दिनुभयो ।