धादिङ-२ मा नेकपाका उम्मेदवार भण्डारी घरदैलो अभियानमा सक्रिय

धादिङ । धादिङ निर्वाचन क्षेत्र नम्बर २ मा नेपाली कम्युनिष्ट पार्टी (नेकपा) का उम्मेदवार रामबहादुर भण्डारीले चुनावी प्रचारलाई तीव्र बनाउनुभएको छ ।

मंगलबार नीलकण्ठ नगरपालिका-७, ८ र ९ का विभिन्न बस्तीहरूमा मतदातासँग प्रत्यक्ष भेटघाट गर्नुभएको छ ।

घरदैलो कार्यक्रमका क्रममा भण्डारीले स्थानीयवासीको समस्या, अपेक्षा र सुझाव सुन्दै आफ्नो भावी कार्ययोजना प्रस्तुत गर्नुभएको थियो ।

मतदातासँग आत्मीय संवाद गर्दै उहाँले समावेशी विकास, रोजगारी सिर्जना र आधारभूत सेवा सुविधालाई प्राथमिकतामा राख्ने प्रतिबद्धता जनाउनुभयो ।