सिद्धलेक-२ नलाङमा मिनि म्याराथुन सम्पन्न : चार बिधामा रोहन,रमिला, विजय र सिता प्रथम

धादिङ । सिद्धलेक गाउँपालिका-२ नलाङमा मिनि म्याराथुन सम्पन्न भएको छ ।

“धार्मिक एवं ऐतिहासिक स्थलहरुको संरक्षण र पर्यटन प्रवर्धनमा युवाहरु” भन्ने मूल नाराका साथ आइतबार महाशिवरात्री पर्वको अवसरमा चक्रदेवी सामुदायिक समाज, नेपालको आयोजनामा मिनि म्याराथुन दौड प्रतियोगिता सम्पन्न भएको हो।

नलाङ ठाँटी भञ्ज्याङबाट सिद्धबाबा मन्दिर प्राङ्गणसम्म प्रतिस्पर्धा गराईएको थियो ।

नलाङ मोडेल एकेडेमी, द यिअर्ली ट्रष्ट, चेहरा बहुउद्देश्यीय सहकारी संस्था तथा नेपाल एडुमेडिक ट्राभल एण्ड ट्रेकिङ कम्पनीको संयोजन भएको प्रतियोगितामा खुल्ला पुरुष, खुल्ला महिला तथा १५ वर्षमुनिका छात्र र छात्रा गरी चार विधामा १२२ जना धावकले प्रतिस्पर्धा गरेका थिए।

सहभागी धावकहरूलाई जर्सी वितरण गरिएको थियो। प्रतियोगितामा चारै बिधामा प्रथम, द्धितिय, तृतिय र सान्तवना भएका प्रतियोगीहरूलाई नगद पुरस्कार, मेडल र प्रमाणपत्र प्रदान गरिएको छ ।

प्रतिस्पर्धाको नतिजा

पुरुष खुल्ला तर्फ
प्रथम: रोहन गुरुङ (सिद्धलेक-२)
द्वितीय: इश्वर भट्ट (सिद्धलेक-१)
तृतीय: प्रवेश तामाङ (सिद्धलेक-२)
सान्त्वना: उज्वल बराम (सिद्धलेक-२)

महिला खुल्ला तर्फ
प्रथम: रमिला बराम (नलाङ मोडेल एकेडेमी)
द्वितीय: पूजा बराम (नलाङ मोडेल एकेडेमी)
तृतीय: मन्सु थापा (नलाङ मोडेल एकेडेमी)
सान्त्वना: निकिता गिरी (नलाङ मोडेल एकेडेमी)

छात्र (१५ वर्षमुनि) तर्फ
प्रथम: विजय बयलकोटी (ज्वालामुखी-४)
द्वितीय: मनराज बराम (सिद्धलेक-२)
तृतीय: गणेश नेपाली (सिद्धलेक-२)
सान्त्वना: अजय परियार (सिद्धलेक-१)

छात्रा (१५ वर्षमुनि) तर्फ
प्रथम: सिता रम्तेल (ज्वालामुखी-४)
द्वितीय: अक्षता बराम (नलाङ मोडेल एकेडेमी)
तृतीय: बिन्दा बिके (सिद्धलेक-३)
सान्त्वना: सुस्मिता बराम (सिद्धलेक-२)

समाजसेवी एवं संस्थाका संरक्षक झंकबहादुर सिलवालको संयोजकत्वमा सम्पन्न समापन कार्यक्रममा गाउँपालिका अध्यक्ष परशुराम खतिवडाको प्रमुख आतिथ्यता तथा उपाध्यक्ष सबिता अर्याल विशेष आतिथ्यता रहेको थियो ।

कार्यक्रममा वडा नं.१ का अध्यक्ष पेमा वाङयाल लामा, वडा नं.२ का अध्यक्ष शम्भु गुरुङ, वडा नं.३ का अध्यक्ष देवबहादुर पुलामी लगायत विभिन्न राजनीतिक दलका प्रतिनिधिहरु सहभागी थिए ।

आयोजकले कार्यक्रम सफल बनाउन प्रत्यक्ष तथा अप्रत्यक्ष रूपमा सहयोग गर्ने सम्पूर्णप्रति आभार व्यक्त गर्दै आगामी दिनमा थप सुधारसहित कार्यक्रमलाई अझ व्यवस्थित बनाउँदै लैजाने प्रतिबद्धता गरेको छ ।

महाशिवरात्री पर्वको पावन अवसर पारेर चक्रदेवी सामुदायिक समाजले वि.सं.२०६५ सालदेखि निरन्तर वार्षिक रूपमा यस कार्यक्रम सञ्चालन गर्दै आएको छ।