धादिङ-१ : मतदाता भेटघाटमा सक्रिय नेकपाका उम्मेदवार राजेन्द्र पाण्डे

धादिङ । आगामी प्रतिनिधिसभा निर्वाचन नजिकिँदै जाँदा धादिङ क्षेत्र नम्बर १ मा राजनीतिक माहोल तातेको छ। नेपाली कम्युनिष्ट पार्टीका उम्मेदवार राजेन्द्र प्रसाद पाण्डे घरदैलो अभियान र मतदाता भेटघाटमा सक्रिय हुनुभएको छ ।

पाण्डेले सोमबारदेखि घरदैलो अभियान सुरु गर्नुभएको छ ।

निर्वाचन परिचालन समितिले दिएको जानकारी अनुसार, अभियानको दोस्रो दिन मंगलबार सिद्धलेक गाउँपालिका वडा नं.५ कामराङबाट अभियानको सुरुवात गर्नुभएको हो ।

मंगलबार सिद्धलेकाको वडा नं.५, ६ र ७ का वस्तिहरुमा मतदाता सँग भेटघाट गर्नुभएको निर्वाचन परिचालन समितीले जानकारी दिएको छ ।

अभियानमा उम्मेदवार राजेन्द्र प्रसाद पाण्डेसँगै बागमती प्रदेशका पूर्व मुख्यमन्त्री एवं प्रदेश सांसद शालिकराम जमकट्टेल, पूर्व मन्त्री गंगालाल तुलाधर लगायतका स्थानीय नेता तथा कार्यकर्ताहरूको उल्लेख्य सहभागिता रहेको छ ।

घरदैलोका क्रममा नेताहरूले स्थानीय समस्या बारे जानकारी लिँदै पार्टीका एजेन्डाहरूका बारेमा सर्वसाधारणलाई बुझाइरहेका छन् । पाण्डेले अब जनताको विश्वास जित्दै भुईमान्छेका कुरा उठान गर्ने र धादिङको दिगो विकासमा भुमिका खेल्ने बताउनुभएको छ ।