धादिङबेसीमा भोलिदेखी दोश्रो नीलकण्ठ मेयर फुटसल प्रतियोगिता, २६ टिम सहभागी

धादिङ । नीलकण्ठ नगरपालिकाको आयोजनामा धादिङबेशीमा भोलीदेखि दोस्रो नीलकण्ठ मेयर फुटसल प्रतियोगिता सुरु हुँदै छ । प्रतियोगितामा धादिङ, गोरखा, काठमाडौँ र झापाका बिभिन्न २६ टिम सहभागी हुँदै छन् ।

मंगलबार पत्रकार सम्मेलनमार्फत जानकारी दिँदै नीलकण्ठ नगरपालिकाका प्रमुख प्रशासकिय अधिकृत हरीदत्त कँडेलले धादिङको बिभिन्न पालिका र संघसंस्थाका २० टिम र धादिङ बाहिरको ६ टिमले सहभागिता जनाउने निश्चित भएको छ ।

स्थानीय सरकारका २१ टिम सहभागि छन् भने पत्रकार महासंघ, कर्मचारी मिलन केन्द्र, धादिङ अस्पताल, एक्सन नेपाल र बि.एफ.आई क्लब सहभागी हुने छ । सहभागी टिमलाई ८ समुहमा बिभाजन गरिएको छ ।

जसमा भोलि बिहान उद्घाटन खेलमा नीलकण्ठ नगरपालिका फोर्स र आरुघाट गाउँपालिकाबिचको खेल हुने छ ।

प्रतियोगितामा प्रथम हुनेलाई एकलाख ११ हजार १ सय ११, द्वितिय हुनेलाई ५५ हजार ५ सय ५५, तृतिय हुनेलाई २२ हजार २ सय २२ र सान्त्वना हुने टिमलाई ११ हजार १ सय ११ रुपैयाँ नगदसहित ट्रफी, मेडल र प्रमाण पत्र प्रदान गरिने आयोजकले जनाएको छ ।

यसैगरी उत्कृष्ट गोलकर्ता, उत्कृष्ट खेलाडी, उत्कृष्ट गोलरक्षक र उत्कृष्ट डिफेण्डरलाई ६ हजार ६ सय ६६ रुपैयाँ नगदसहित ट्रफी, मेडल र प्रमाण पत्र प्रदान गरिने छ।

प्रतियोगिताको नीलकण्ठ नगरपालिकाका प्रमुख तथा नेपाल नगरपालिका संघका अध्यक्ष भिम प्रसाद ढुंगानालेले उद्घाटन गर्नुहुने प्रमुख प्रशासकिय अधिकृत कँडेलले जानकारी दिनुभयो ।

प्रतियोगिता ९ गतेसम्म संचालन हुनेछ ।