राहदानी विभाग सार्वजनिक बिदाका दिन पनि खुला रहने

काठमाण्डौ । राहदानी विभागले आफ्नो सेवालाई सार्वजनिक बिदाका दिन पनि निरन्तरता दिने भएको छ ।

विभागले सार्वजनिक सूचना निकालेर आज र भोलि सार्वजनिक बिदा भए पनि राहदानी वितरणलगायतका कामका लागि विभाग खुला रहने जनाएको हो ।

आज ग्याल्पो ल्होसार र भोलि प्रजातन्त्र दिवसको अवसरमा सरकारले सार्वजनिक बिदा दिएको छ । दुई दिन बिहान १० बजेदेखि दिउँसो १ बजेसम्म विभाग खुला रहने सूचनामा उल्लेख छ ।

विभागले आज राहदानी वितरण सेवा प्रदान गर्ने जनाएको छ ।