निर्वाचन प्रहरीको मृत्यु

काठमाडौँ । बैतडीमा एकजना निर्वाचन प्रहरीको मृत्यु भएको छ। दशरथचन्द नगरपालिका-४ बबेत घर भएका ३८ वर्षीय महादेव वडको मृत्यु भएको जिल्ला प्रहरी कार्यालय बैतडीले जनाएको छ।

शुक्रबार दिउँसो खाना खान घर गएको समयमा वड घरमै अचेत अवस्थामा फेला परेका जिल्ला प्रहरी कार्यालय बैतडीका सूचना अधिकारी प्रहरी नायव निरीक्षक सुरज सिंहले जानकारी दिनुभयो ।

सदरमुकाम नजिकै घर भएका वड निर्वाचन ड्युटी सकेर खाना खान घर गएका थिए। अचेत अवस्थामै जिल्ला अस्पताल बैतडीमा पुर्‍याउँदा चिकित्सकले उनलाई मृत घोषणा गरेका थिए।