एक्सन नेपालले जित्यो दोस्रो नीलकण्ठ मेयर फुटसल कपको उपाधि

धादिङ । दोस्रो नीलकण्ठ मेयर फुटसल कप २०८२ को उपाधि एक्सन नेपालले जितेको छ । आयोजक नीलकण्ठ नगरपालिकालाई ६–४ को गोल अन्तरले पछि पार्दै एक्सन नेपालले उपाधि जितेको हो ।

गत वर्ष भएको पहिलो नीलकण्ठ मेयर फुटसल कप प्रतियोगिताको उपाधि हात पारेको आयोजक नीलकण्ठ नगरपालिका यस वर्ष भने उपविजेतामै सिमित हुन पुग्यो ।

प्रतियोगितामा नेपाल पत्रकार महासंघ धादिङ तृतिय भएको छ । महासंघले ले गंगाजमुना गाउँपालिकालाई २–१ गोल अन्तरले पछि पार्दै तृतिय भएको हो ।

विजेता एक्सन नेपालले नगद १ लाख ११ हजार १ सय ११, उपविजेता नीलकण्ठ फोर्सले ५५ हजार ५ सय ५५ , तृतिय भएको नेपाल पत्रकार महासंघले २२ हजार २ सय २२ र सान्त्वना भएको गंगाजमुनाले ११ हजार १ सय ११ रुपैयाँ नगदसहित ट्रफी, मेडल र प्रमाणपत्र प्राप्त गरेका छन् ।

यस्तै व्यक्तिगत विधातर्फ उत्कृष्ट गोलकर्ता नीलकण्ठ फोर्सका आर्जन श्रेष्ठ, उत्कृष्ट खेलाडी एक्सन नेपालका कमलराज ढुंगाना, उत्कृष्ट गोलरक्षक एक्सन नेपालकै जीवन श्रेष्ठ र उत्कृष्ट डिफेन्डर नीलकण्ठ फोर्सका सरोज पाण्डे घोषित भए ।

उनिहरुले जनही ६ हजार ६ सय ६६ रुपैयाँसहित ट्रफी, मेडल र प्रमाणपत्र पाएका छन् ।

कार्यक्रम समापन गर्दै नीलकण्ठ नगरपालिकाका प्रमुख भिम प्रसाद ढुंगानाले नीलकण्ठ नगरपालिकालाई खेलकुदको हव बनाउने बताउनुभएको छ । अन्य क्षेत्र जस्तै खेलकुद क्षेत्रमा पनि विशेष प्राथमिकतामा राखेर वजेट तथा कार्यक्रम ल्याएको बताउनुभयो ।

यसैगरी प्रमुख प्रशासकीय अधिकृत हरिदत्त कँडेलले प्रतियोगिता तयारीदेखि समापनसम्म सबै पक्षको समन्वय र सहयोगका कारण मेयर कप सफलतापूर्व सम्पन्न भएको बताउनुभयो ।

कार्यक्रममा शिक्षा, युवा तथा खेलकुद शाखा प्रमुख प्रकाशदत्त भट्टले प्रतियोगिता निर्धारित मापदण्ड, अनुशासन र पारदर्शिताका साथ सफलतापूर्वक सम्पन्न भएको बताउनुभयो ।

फागुन ६ गतेदेखि सञ्चालन भएको प्रतियोगितामा देभभरबाट २६ समुहको सहभागिता रहेको थियो ।

दोस्रो टिम

तृतिय टिम  

सान्तवना टिम