व्यवहारिक र सिपमूलक शिक्षामा एमाले उम्मेदवार भूमि त्रिपाठीको जोड

धादिङ । धादिङ-१ का नेकपा एमाले उम्मेदवार भूमि त्रिपाठीले शिक्षालाई व्यवहारिक र सीपमूलक बनाउनु पर्नेमा जोड दिनुभएको छ ।

गल्छी गाउँपालिका वडा नम्बर १ सुनटार, फोसटार, पारिलाछाप, डुम्रिचौर, मैदान, सालटार, कल्लेरीटार लगायतका क्षेत्रका मतदाताहरुसंग भेटघाट गर्दै घरदैलो अभियानमा पुग्नु भएका त्रिपाठीले अब शिक्षालाई व्यवहारसंग मिल्ने बनाउन आफूले नितिगत सुधार गर्ने बताउनुभयो ।

यसैगरी शिक्षालाई सीपमूलक बनाएर रोजगारी अन्त्य गर्ने विषयमा समेत शिक्षालाई आधारमान्ने कानून र कार्यन्वयन गर्न पहल गर्ने बताउनुभएको छ ।

एमाले उम्मेदवार त्रिपाठीले् गाउँघरका विकास योजना, स्वास्थ्यमा गाउँबासीको पहुँच, सडकमार्गलाई स्तरउन्नती गर्ने र किसानका उत्पादन उपभोक्तासम्म पुर्याउन कार्यक्रम ल्याउने गरि आफूले काम गर्ने प्रतिवद्धता जनाउनुभएको छ ।

घरदैलो कार्यक्रममा नेकपा एमालेका संस्थापक नेता जगन्नाथ नेपाल, एमाले नेता रमेश आचार्य लगायतको उपस्थिति रहेको थियो ।