मतदाता भेटघाट कार्यक्रमलाई तिव्रता दिँदै एमाले उम्मेदवार घले

धादिङ । नेकपा एमालेका उम्मेदवार धनबहादुर घलेले मतदाता भेटघाट कार्यक्रमलाई तिव्र बनाएको छ ।

धादिङ निर्वाचन क्षेत्र नम्बर २ मा एमालेका उम्मेदवार घल नागरिकका समस्या, चाहना र आवश्यकताको पहिचानका लागि घरदैलो गरिरहनुभएको छ ।

मतदाता भेटघाट कार्यक्रम अन्तर्गत घले मंगलबार नीलकण्ठ नगरपालिका–१४ का टोल बस्तिमा पुग्नुभएको छ ।

स्थानीयले राखेका विकास निर्माणका सवालमा सम्बोधन गर्दै उनले सडक सञ्जाल, कृषि क्षेत्रमा सिंचाई, कुलो तथा विउ विजन र मलको आपूर्ति लगायका समस्या समाधानमा पहल गर्ने बताउनुभयो ।

विशेष गरि निति कानुन निर्माणको भूमिका रहने भएपनि नागरिकका समस्या सम्बोधन हुने खालका निति ल्याउन पहल गर्ने उम्मेदवार धनबहादुर घलेले बताउनुभयो ।

‘समस्या के छ भन्ने थाहा छ, तर आवश्यक निति नबन्दा समस्या रहेको हो । त्यस्तो समस्या तथा सवालको सम्बोधन गर्न निति निर्माण तहमै पहल गर्नेछु’ उहाँले भन्नुभयो ।

घलेले उत्तरी धादिङको रुवीभ्याली, गंगाजमुना, खनियाँबास, त्रिपुरासुन्दरी, ज्वालमुखी र नीलकण्ठ नगरपालिकाका विभिन्न वडा बस्तिहरुमा मतदाता भेटघाट कार्यक्रम गरिसक्नुभएको छ ।