धादिङमा चट्याङ लागेर एक किशोरीको मृत्यु, दुई जना घाइते

धादिङ । धादिङको त्रिपुरासुन्दरी गाउँपालिका-३ खुर्सानीटारमा चट्याङ लागेर एक किशोरीको मृत्यु भएको छ भने दुई जना घाइते भएका छन्।

मंगलबारअपराह्न स्थानीय सम्झाना थापा मगरको घरमा सत्यनारायणको पूजा भइरहेको समयमा घर नजिकै चट्याङ परेको थियो। चट्याङ लागेर पूजामा आएका तीन जना पाहुना घाइते भएका थिए ।

घाइतेहरुलाई तत्काल उपचारका लागि आरुघाट स्वास्थ्य केन्द्र, गोरखा पठाइएको थियो।

उपचारका क्रममा गोरखा जिल्ला शहीद लखन गाउँपालिका-८ निवासी कृष्ण घर्ती मगरकी अन्दाजी १३/१४ वर्षीया छोरी विनिसा घर्ती मगरलाई चिकित्सकले साँझ ५ः१४ बजे मृत घोषणा गरेका हुन्।

उक्त घटनामा उनकी दिदी अन्दाजी १५ वर्षीया दिक्षा घर्ती मगर सामान्य घाइते भएकी छन्।

त्यसैगरी गोरखा जिल्लाको भिमसेन थापा गाउँपालिका–६ निवासी २४ वर्षीय बिरेन्द्र थापा मगर पनि सामान्य घाइते भएका छन्।

filephoto