कांग्रेसका नेता एवं पूर्वमन्त्री दीपक खड्का पक्राउ

काठमाडौँ । नेपाली कांग्रेसका नेता एवं पूर्वमन्त्री दीपक खड्का पक्राउ परेका छन्।

प्रहरीको केन्द्रीय अनुसन्धान ब्युरो (सीआईबी) ले उहाँलाई नियन्त्रणमा लिएको हो। आइतबार बिहान बुढानीलकण्ठबाट उहाँलाई पक्राउ गरिएको सीआईबी प्रमुख एआईजी मनोज केसीले बताउनुभयो।

सम्पत्ति शुद्धीकरण अनुसन्धान विभागले खड्कामाथि अनुसन्धान गर्न प्रहरी प्रधान कार्यालयमा पत्र पठाएको थियो। त्यसकै आधारमा अनुसन्धानका लागि खड्कालाई नियन्त्रणमा लिइएको प्रहरीले जनाएको छ ।