धादिङमा भोलिदेखि जिल्ला स्तरीय अन्तरपालिका टी-२० क्रिकेट सुरु हुँदै,हेर्नुहोस् खेल तालिका

धादिङ । धादिङमा भोलिदेखि जिल्ला स्तरीय अन्तरपालिका टी-२० क्रिकेट सुरु हुँदैछ।

जिल्ला क्रिकेट संघ धादिङको आयोजनामा भोलिदेखी बेनीघाट रोराङ गाउँपालिकाको विशालटार खेल मैदानमा सञ्चालन हुने प्रतियोगितामा जिल्लाका ८ पालिकाले प्रतिस्पर्धा गर्ने भएका छन् ।

सहभागी टोलीलाई दुई समूहमा विभाजन गरिएको छ। समूह ‘ए’ मा बेनीघाट रोराङ, त्रिपुरासुन्दरी, ज्वालामुखी र सिद्धलेक रहेका छन् भने समूह ‘बी’ मा नीलकण्ठ, धुनीबेशी, गजुरी,  र गल्छी गाउँपालिका समावेश छन् ।

सार्वजनिक तालिका अनुसार उद्घाटन खेल बेनीघाट रोराङ र त्रिपुरासुन्दरीबीच हुनेछ ।त्यस्तै दोस्रो खेलमा ज्वालामुखी र सिद्धलेकबीच प्रतिस्पर्धा हुने आयोजकले जनाएको छ।

क्रिकेट खेलमा धादिङलाई अब्बल बनाउन प्रतियोगिताको आयोजना गरिएको जिल्ला क्रिकेट संघ धादिङका अध्यक्ष दिपेश कँडेलले बताउनुभयो ।

यस्ता प्रतियोगिताले धादिङको क्रिकेट जगतलाई थप उचाइमा पुर्याउने उहाँको भनाई छ।‘धादिङमा विभिन्न चरणमा हामीले क्रिकेट प्रतियोगिताको आयोजना गर्दै आएका छौ’ उहाँले भन्नुभयो- ‘त्यसले स्थानीय स्तरमा खेलाडी उत्पादनदेखि लिएर प्रदेश र राष्ट्रिय स्तरमा खेल्न सक्ने वातावरण सिर्जना गर्नेछ ।’

प्रतियोगिताका विजेताले नगद ५० हजार रुपैयाँ प्राप्त गर्नेछन् भने उपविजेताले २५ हजार रुपैयाँसहित ट्रफी, मेडल र प्रमाणपत्र प्राप्त गर्नेछन् ।

प्रतियोगिता बैशाख ९ गतेसम्म सञ्चालन हुनेछ।