विभेदकारी सरकारी निर्णय फिर्ता गर्न धादिङका पत्रकारको माग

नेपाल पत्रकार महासंघ धादिङले सरकारी कार्यालयहरूले सूचना विज्ञापन सरकारी सञ्चार माध्यममा मात्रै प्रकाशन-प्रसारण गर्नुपर्ने निर्णयको विरोध गर्दै प्रमुख जिल्ला अधिकारी मार्फत सरकारलाई ज्ञापनपत्र बुझाएको छ।

महासंघले उक्त परिपत्र तत्काल खारेज गर्न, विज्ञापन वितरणलाई पारदर्शी, समानुपातिक र समावेशी बनाउन तथा निजी, सामुदायिक र सरकारी सबै सञ्चार माध्यममा न्यायोचित रूपमा वितरण गर्न माग गरेको छ।

यो निर्णयले प्रेस स्वतन्त्रतामाथि अप्रत्यक्ष नियन्त्रण गर्ने भन्दै महासंघले आपत्ति जनाएको छ। साथै संघीयताको मर्मविपरीत भएको उल्लेख गर्दै प्रदेश र स्थानीय तहलाई पनि अस्वीकार गर्न आग्रह गरिएको छ।

महासंघले मिडियामैत्री नीति अवलम्बन गर्न सरकारलाई चेतावनी दिँदै अभिव्यक्ति स्वतन्त्रता, प्रेस स्वतन्त्रता र नागरिकको सूचनाको हकको रक्षा गर्न प्रतिबद्धता जनाएको छ