टिपरलाई ढुंगाले थिच्दा चालकको मृत्यु

धादिङ । धादिङको थाक्रे गाउँपालिका-७ राम्चेस्थित ढुंगा खानीमा टिपरलाई ढुंगाले थिच्दा चालकको मृत्यु भएको छ ।

मृत्यु हुनेमा थाक्रे गाउँपालिका-७ निवासी ३१ वर्षीय दिपेन्द्र खत्री रहेका जिल्ला प्रहरी कार्यालय धादिङका सूचना अधिकारी प्रहरी नायव उपरीक्षक प्रकाश दाहालले जानकारी दिनुभयो ।

उहाँका अनुसार बज्रकाली ढुंगा रोडा उद्योगमा ढुंगा लोड गर्न गएको बा ५ ख ८५८० नम्बरको ट्रिपरमाथी माथिबाट ठूलो ढुंगा खस्न गएको र चालकको ट्रिपरभित्रै च्यापिर मृत्यु भएको हो।

घटनापछि खानी संचालकको लापरबाहीका कारण दुर्घटना भएको भन्दै स्थानीयले विरोध गरिरहेको प्रहरीले जनाएको छ ।