करेन्ट लागेर एक बालिका गम्भीर घाइते

धादिङ । धादिङको नीलकण्ठ नगरपालिका-४ रायटारमा करेन्ट लागेर एक बालिका गम्भीर घाइते भएकी छन् । घाइते हुनेमा नीलकण्ठ नगरपालिका–८ की ६ वर्षीया साया श्रेष्ठ रहेको प्रहरीले जनाएको छ ।

आइतबार दिउँसो घर नजिक खेलिरहेको अवस्थामा भुईँ पुछ्ने पोछा हाईटेन्सन लाइनमा ठोक्किँदा उनलाई करेन्ट लागेको जिल्ला प्रहरी कार्यालय धादिङका प्रहरी नायब उपरीक्षक प्रकाश दाहालले जानकारी दिनुभयो ।

पोछामा रहेको फलामको तारमा बिजुली प्रवाह हुँदा बालिकालाई करेन्ट लागेको प्रहरीले जनाएको छ ।

गम्भीर घाइते अवस्थामा रहेकी सायालाई थप उपचारका लागि हेलिकप्टरमार्फत काठमाडौँस्थित कीर्तिपुर बर्न अस्पताल पठाइएको प्रहरीले जनाएको छ।