रास्वपा धादिङको सभापतीमा राजन अर्याल

धादिङ। राष्ट्रिय स्वतन्त्र पार्टी (रास्वपा) धादिङको सभापतीमा राजन अर्याल निर्वाचित हुनुभएको छ । शनिबार धादिङबेशीमा भएको प्रथम जिल्ला अधिवेशनबाट अर्यालको सभापतित्वमा नयाँ कार्यसमिति चयन भएको छ।

सर्वसम्मत नहुँदा नयाँ कार्यसमितिको लागि निर्वाचन भएको थियो ।

जसमा सभापति पदका लागि भएको प्रतिस्पर्धामा अर्यालले १४३ मत प्राप्त गर्दै विजयी हुनुभयो भने उहाँका निकटतम प्रतिस्पर्धी तथा निवर्तमान जिल्ला सभापति सूयमणि पाठकले ९२ मत र अर्का उम्मेदवार रामकुमार थपलियाले ६३ मत प्राप्त गर्नुभयो ।

त्यस्तै उपसभापति पदमा श्रवण त्रिपाठीले २१६ मत प्राप्त गर्दै विजयी हुनुभयो भने उहाँका प्रतिस्पर्धी लिला श्रेष्ठले ७७ मत प्राप्त गर्नुभयो ।

सचिव पदमा राम भण्डारी १६२ मत सहित बिजयी हुनुभयो भने उहाँका प्रतिस्पर्धी कल्पना श्रेष्ठले ८० मत र विदुर अधिकारीले ५८ मत प्राप्त गर्नुभयो ।

यसैगरी सह-सचिव पदमा श्रीराम आचार्य १६० मत सहित विजयी हुनुभयो भने उहाँका प्रतिस्पर्धी राजेन्द्र कडेलले १२७ मत प्राप्त गर्नुभयो ।

त्यसैगरी सदस्यहरुमा उषा कार्की, रामकृष्ण परियार, सुन्दर अधिकारी, मदन भण्डारी निर्वाचित हुनुभएको छ ।

यसैगरी अधिवेशनबाट धादिङ क्षेत्र न १ को क्षेत्रिय संयोजकमा रामजी प्रसाद पाठक, सह संयोजकमा अमृता केसी, क्षेत्र न २ संयोजकमा राजेन्द्र अधिकारी र सह संयोजकमा ओम प्रसाद कारखेती निर्वाचित हुनुभएको छ ।

अधिबेशनबाट क्षेत्रिय सचिवमा प्रवेश धरेल र क्षेत्रिय सदस्यमा माधवराज अधिकारी निर्वाचित हुनुभएको छ ।